BE.305 Logu no.128
HUPUJI HUPASANGAP HO

Ayat 1
Ale tondingku hehe ma Dung salpu haholomon
Ai dipabinsar Debata Muse panondang bolon
Pasohot ma na modom i Ai ingkon pasangaponMi.
Tuhanta na di surgo

Ayat 2
Di hatiuron lao sude Tumopot ulaonna
Sogot do angka pidong pe Pangiar soarana
Tama do i tiruan ni Saluhut manisia i
Mamuji Debatana.

Ayat 3
Tatopot ulaonta be Baen sangap di Tuhanta
Sai hehe hita sasude Paboa las rohanta
Mamangke hagogoon i Nilehon ni Tuhanta i
Tu hita saluhutna.

Ayat 4
Marsorinsorin ari i Sai tading do ulaon
Urupi Jesus hami be Mangalo haotoon
Paringgas hami on sude Mamangke gogonami be.
Dibaen naung sinondangMu.

Ayat 5
Torang baen rohanami be togu haporseaon
Paserep rohanami pe. Sai lehon roha holong
Tu hami asa tung tanda naung dipatiur
Debata Huhut disunggul hami.

Ayat 6
O Sondang salelengna i Sai mian dirohangku
Di dalan hatigoran i Papintor ma langkangku
Pasahat au tu huta i Naung dipauli tanganMi .
Soada be na holom
